સને ૧૯૬૦ન અંધારપટના ગાળાના સમયમાં ઠેર ઠેર મહોલ્લા પોળોના નાગરિકોના રાત્રી જાગરણના સમય ગાળામાં આ વિસ્તારના યુવાનો તથા વડીલોની અવારનવાર રાત્રી જાગરણ દરમ્યાનની ચર્ચા એક સહકારી મંડળી કે જેના માધ્યમ દ્વારા આ વિસ્તારની માધ્યમ વર્ગીય જનતાની રોજ-બ-રોજની જરૂરિયાતો માટેની આર્થિક વિટંબણાઓમાં રાહતરૂપ થવાય તે માટે આ મંડળીની સ્થાપના કરવાના વિચારણા અને તેને મૂર્તિમંત કરવાના બીજ રોપાયા.

આ અગાઉ પણ આ વિસ્તારના વેપારી વર્ગને આ સમય પહેલા જ્ઞાતિના ભંડોળમાંથી નાની નાની જરૂરિયાતો પહોચી વળવા ધિરાણ કરવામાં આવતું હતું. પરંતુ ત્યારબાદ જ્ઞાતિજનોએ જ્ઞાતિની સ્થાવર તેમજ જંગમ મિલકતનું રજીસ્ટર્ડ ટ્રસ્ટ કરતા આવું ધિરાણ ક્રમે ક્રમે ટ્રસ્ટના કાયદા મુજબ ઓછું થતું ગયું અને સામાન્ય જનોને આર્થિક વિટંબણાઓનો અનુભવ થવા લાગ્યો. આના નિવારણ રૂપે આ મોટા જન સમુદાયવાળી જ્ઞાતિએ એક “શ્રી કાછીયા પટેલ સહકારી મંડળી”ના નામે એક સહકારી મંડળી ઉભી કરવા પ્રયત્ન કરેલો હતો પરંતુ એક યા બીજા કારણોસર તે પ્રયત્ન સફળ થઇ શક્યો ન હતો. આ મંડળીની સ્થાપના કરતા અગાઉ મંડળીનું બંધારણ ઘડવા માટે પણ ઉત્સાહી મિત્રોએ આવા પ્રકારની ચાલુ મંડળીના બંધારણોનો અભ્યાસ કર્યો અને તેના બંધારણોમાંથી અભ્યાસ કરી ખુબજ માર્યદિત પેટા નિયમો લાંબા સમય સુધીની જરૂરિયાતોને પહોચી વળાય તે પ્રમાણેના ઘડ્યા, અને મંડળીની નોધણી કરાવવા માટેની અરજી સહ મંડળીઓના રજીસ્ટ્રારશ્રી તરફ મોકલ્યા, નોધણી કરાવવામાં પણ ખુબજ સમય વ્યતીત થાઓ અને છેવટે તારીખ ૩૧.૧.૧૯૬૧ના દિવસે મંડળીને રજીસ્ટ્રેશન સર્ટીફીકેટ મળ્યું.

આ પ્રમાણે બીજ એક છોડમાં પરિણમ્યું જેથી ઉત્સાહ પણ વધ્યો અને મંડળીની પ્રથમ જનરલ સભા કોઠી ફળિયાના નાકે આવેલ “શ્રી કૈલાશ બાલમંદિર” તરીકે ઓળખાતા મકાનમાં તારીખ ૯.૪.૧૯૬૧ના રોજ સાંજે ૬.૧૫ કલાકે આ વિસ્તારના અગ્રણી કાર્યકર અને ધારાશાસ્ત્રી સ્વ.શ્રી ચંદુલાલ જમનાદાસ શહેર, એમના પ્રમુખ સ્થાને મળી આ સભામાં કાછીયા પટેલ જ્ઞાતિના પ્રમુખ બેરિસ્ટર શ્રી પી.ટી.પટેલ તેમજ સરકારી ખાતા તરફથી ડીસ્ટ્રીકટ કો.ઓપ. ઓફિસર, શ્રી મોદી સાહેબ હાજર રહ્યા હતા. અને મંડળીના (બંધારણ) પેટા નિયમો જે મંડળીઓના નોધણી અધિકારી શ્રી તરફથી જરૂરી સુધારા વધારા સૂચવીને મોકલેલ હતા તેનો સ્વીકાર કરી બહાલી આપી. અને મંડળીની નોધણી સમય દરમ્યાન નોધાયેલા ૧૫૧ સભાસદોને સભાસદ તરીકે દાખલ કરવામાં આવ્યા હતા. આમ એક ખુબજ શુકનીયાળ સંખ્યાના આંકડાથી શરૂઆત થઇ. આજ સભામાં મંડળીના પેટા નિયમ મુજબ મંડળીના સંચાલન માટેનું અગિયાર સભાસદોનું પ્રથમ વ્યસ્થાપકનું મંડળ અસ્તિત્વમાં આવ્યું. વ્યસ્થાપક મંડળ ઉપરાંત મંડળીના મંત્રી તરીકે શ્રી કાંતિલાલ શિવલાલ મિસ્ત્રી તથા સહમંત્રી તરીકે શ્રી શામળભાઈ પરસોત્તમદાસ પટેલ તેમજ ઇન્ટરનલ ઓડીટર તરીકે શ્રી ભગવતીલાલ મોતીલાલ પટેલની નિમણુક કરવામાં આવી હતી.

આ મંડળને ટુંક સમયમાં જ એક ખુબ જ સદ્ધર પાયા ઉપર મુકવાની કાર્યકરોની ધગસ કોઈ અનોખી જ હતી પોતાના વ્યવસાયમાંથી ફાજલ સમય કાઢી આ વિસ્તારના દરેક નાગરિકને ઘેર ઘેર જઈ અને કેટલી વખત તો ત્રીજા માળ સુધી ચઢી ત્યાં રહેતા નાગરિકોને મળીને સમજાવીને સભાસદો બનાવ્યા છે.

શરૂઆતના તમામ રાજીસ્ટરોનો છપામણી ખર્ચ બચાવી કોરા કાગળો ઉપર જરૂરી નમુના મુજબના ફોર્મ પ્રમાણેના ફોર્મ આંકી રજીસ્ટરો બનાવવામાં આવ્યા તેમજ આ અગાઉની મંડળી સ્થાપવાના થયેલા પ્રયત્નોવાળી જ પાવતી બુકો વાપરી છપામણી ખર્ચ તેમજ સ્ટેશનરી ખર્ચ બચાવ્યો. કાર્યકરોએ ખુબજ ધગશથી દિવસે પોતાના વ્યવસાયના સમયમાંથી સમય બચાવી તેમજ રાત્રી જાગરણોના સમયે સતત રાત્રે પણ મંડળીનું ખુબજ જરૂરી રોજબરોજનું કામ સ્વેછાએ કરી પગાર ખર્ચ પણ બચાવ્યો જેના પરિણામે મંડળીના પ્રથમ નાણાકિય વર્ષ કે ૩૦ જુનના રોજ પુરા થતા ત્રણ જ માસના કાર્ય સમય દરમ્યાન પણ મંડળીએ ખૂજબ જરૂરી વહીવટી ખર્ચ બાદ કરતા રૂપિયા 13.૫9 પૈસાનો નફો કર્યો હતો. આજે આ મંડળી બીજમાંથી વૃક્ષ અને વૃક્ષમાંથી વિશાલ વટ વૃક્ષ થયું છે. આજે મંડળીએ ખુબજ યશસ્વી ૪૩ વર્ષ પૂર્ણ કર્યા છે. સામાજિક જવાબદારી અંગે બ્લડ ગ્રુપ કેમ્પ તથા જ્ઞાતિને સમૂહ લગ્ન તેમજ કેળવણી અંગે પણ મદદ કરી છે. ઉપરાંત મંડળીના સભાસદોને આજના મોઘવારીના જમાનામાં વૈદ્યકીય સારવાર મદદ તેમજ મરણોત્તર મદદ આપવામાં આવે છે. ઉપરાંત મહિલા ઉત્કર્ષ માટે બહેનો પાસેથી અને બહેનો (કાર્યકરો) દ્વારા રોજંદી બચત ઉઘરાવી કરકસરની ભાવના કેળવવામાં મદદરૂપ બની છે.

મહિલા ઉત્કર્ષ બચત યોજના : આ યોજનાના ખાસ મધ્યમ વર્ગની બહેનોમાં પોતાના ઘર ખર્ચમાંથી કરકસર કરી આકસ્મિક સંજોગો માટે મૂડી ભેગી કરે તે હેતુથી ચાલુ કરવા પણ નક્કી કરેલું હતું. તે મુજબ આ યોજના તારીખ ૨.૧૦.૧૯૯૯ ગાંધી જયંતીના દિવસથી ચાલુ કરી છે અને તેને ખુબજ સારો પ્રતિભાવ સાંપડ્યો છે. ૭૫૦ જેટલી બહેનો આ યોજનામાં જોડાઈ છે. અને ૩૦ માસના સમયગાળામાં રૂપિયા ૩૬,૭૬,૨૬૦/- જેટલી રકમ જમા કરાવેલી છે. વર્ષ ૨૦૦૨-૦૩માં તારીખ ૮.4.૨૦૦૨ યલ ૨૦.૪.૨૦૦૨ સુધીમાં વ્યજસહ રૂપિયા ૪૦,૬૪,૩૫૦/-ની ચુકવણી ખરા કરફયુંના અમલ દરમ્યાન રોકડેથી કરતા, બહેનોના મુખારવિંદ ઉપરનો જોવા મળેલો આણંદ અવરણીય હતો.

આ યોજના ફરીથી બીજા ત્રીસ માસ માટે તારીખ 1.૪.૨૦૦૨થી ચાલુ કરી છે અને ૧૨૫૦ જેટલી બહેનો જોડાઈ છે.